Në mbledhjen e djeshme të Këshillit të Sigurimit të OKB-së, u paraqit kërkesa për largimin e misionit të Kombeve të Bashkuara në Kosovë (UNMIK). Kjo kërkesë erdhi nga ministrja në detyrë e Punëve të Jashtme dhe Diasporës, Donika Gërvalla, dhe përfaqësuesi i Shteteve të Bashkuara në OKB, John Kelley.

Ministrja Gërvalla i bëri thirrje UNMIK-ut që të trajtojë realitetin në terren pa paqartësi të shtrembëruara.

Ajo theksoi rëndësinë e përdorimit të gjuhës saktë dhe të kujdesshme në përshkrimin e veprimeve në Kosovë.

Në lidhje me këtë çështje, Arbresh.info ka pyetur Presidencën e Kosovës, pasi administrata amerikane tashmë ka kërkuar një veprim të tillë.

Nga Presidenca kanë theksuar se kjo është një kërkesë e kahershme e presidentes, Vjosa Osmani.

“Kjo ka qenë edhe kërkesë e kahershme e presidentes Osmani, e përsëritur në adresimet që i ka bërë në Këshillin e Sigurimit”, u shpreh Bekim Kupina këshilltar për media i presidentes.

Një kërkesë të tillë për shuarjen e mandatit të UNIMK-ut e kishte kërkuar edhe presidentja Vjosa Osmani në vitin 2021./Arbresh.info